Óformlegri umfjöllun um markmiðin með molar.is er að finna í stofnandaspjallinu. Einnig getur verið gott að lesa notendaskilmála þjónustunnar.

Síðari hópurinn hefur lengi viljað nota tölvupóst til þess að dreifa auglýsingum, en getur það ekki vegna andstöðu neytenda. Einnig eru slíkar auglýsingar bannaðar samkvæmt notkunarskilmálum ISnet, nema tiltölulega strangar kröfur séu uppfylltar. Nánar tiltekið þarf hver einasti móttakandi að hafa beðið um auglýsingar frá viðkomandi fyrirtæki, t.d. með því að sækja um áskrift að póstlistum þess eða ganga í einhvern "netklúbb".

Molar.is mun reyna að leysa vandamál þessara tveggja hópa samtímis með því að bjóða einstaklingum ókeypis rekstur póstlista, gegn því að áskrifendur þeirra samþykki að taka á móti hóflegu magni auglýsinga. Auglýsingarnar verða í formi "undirskrifta" sem bætt verður aftan við bréf póstlistanna (sýnishorn).

Bréfum póstlistanna verður safnað saman og safnið gert aðgengilegt öllum á vefsíðu. Þetta gefur hópunum sem myndast í kringum póstlistana kleift að rekja sögu sína aftur í tímann og vísa í gömul bréf og gamlar umræður. Með tímanum getur þetta orðið athyglisverð heimild um íslenska netmenningu.

Einnig er vonast til að með tilkomu löglegrar leiðar til að auglýsa með tölvupósti, sem móttakendur eru sáttir við, megi draga úr íslenskum ruslpósti.

Til að hámarka nýtingu vinnunnar sem fer í að byggja upp kerfið verður boðið upp á aðra póstlista-tengda þjonustu, rekstur (gegn gjaldi) á auglýsinga-snauðum póstlistum og aðra skylda þjónustu. Meirihluti hugbúnaðarins sem skrifaður verður fyrir molar.is verður gefinn út á netinu sem frjáls hugbúnaður, og hagnaður (ef einhver verður) verður m.a. notaður til að stuðla að aukinni þróun slíks hugbúnaðar.

Síðast en ekki síst vill molar.is ávinna sér traust og velvild íslenskra netverja (hvort sem þeir eru skráðir sem slíkir eða ekki). Því verður lögð áhersla á að vera með rekstur þjónustunnar eins opna og mögulegt er.