Næsta bréf: Pjetur G. Hjaltason: "Re: Staða þýðingar"
Þann (miðvikudagur 26. mars 2003 14:25) skrifaði Smári P. McCarthy
> [ Eftirfarandi var sent af vef molar.is í frh. af bréfi
> http://www.molar.is/listar/kde-isl/2003-03/0025.shtml ]
>
> Sælir.
>
> Ég er staddur í skólanum, nánar tiltekið Framhaldsskólanum í
> Vestmannaeyjum. Hér hefur fólk ekki verið neitt svakalega spennt fyrir
> þessu þau fáu skipti sem að ég hef borið málið upp, enda hef ég ekki haft
> neitt milli handanna til þess að sýna þeim.
Hirtu upp þýðinguna eins og hún er nú komin hjá mér fyrir 3.1 og notaðu það.
http://www.pjetur.net/pjetur/kde_is_pgh.tar.gz
Meir um pólitík hér neðar :)
>
> Ég vil endilega fara að kickstarta þessu aftur þannig að það verði hægt að
> nýta páskanna í einhverskonar þýðingarstarf. Kannski að það væri best að
> gera nokkra hluti fyrst og fremst, og sjá svo til hvað gerist:
>
> 1. Hver er með aðgang á CVSinn? Ég var með á sínum tíma, og Logi og Bjarni
> líka. Jafnvel Þórarinn.. en ég veit að hann Kulow er snöggur að klippa á
> aðganginn hjá þeim sem að eru ekki duglegir... er einhver ykkar virku með
> aðgang sem stendur, og er einhver með nenning til þess að sækja um aðgang
> fyrir einhverja fleiri af okkur, svona til þess að tryggja sem bestu
> samskipti okkar á milli (E-mail er súrt samskiptaform stundum ;)
Ég fékk aðgang að CVS í gegn um Þóraninn og er að nota hans lykilorð (bæti
pjetur: framan við tékkinn comment)
>
> 2. Er einhver með hugmynd að aðstöðu sem að við gætum reynt að nýta okkur
> einhverntíman um páskanna í kannski 2 daga, til þess að hafa smá
> þýðingarteiti a-la oldtimes? Við höfum í gegnum tíðina fengið afnot af
> tölvustofu í VRII uppí HÍ, og einnig í Netstöðinni.. en Netstöðin er í
> annarlegu ástandi sem stendur, og ég veit ekki hver reddaði VRII, né það
> hvort að hægt sé að redda því aftur.
>
> 3. Eru til einhver önnur góð PO þýðingartól heldur en KBabel?
Eitthvað gtk var til á http://poedit.sourceforge.net/ og svo má líka nota kate
sem kann á UTF-8 .
>
> 4. Ég skal athuga hvort að það sé ekki hægt að búa til smá skriftu sem
> safnar saman íslenskum orðum úr PO skrám um leið og ég hef fengið CVS
> aðgang og henda því inn í SQL töflu. Þá getum við farið að halda utan um
> orðalista (helst með enskum þýðingum...). Við skulum sjá til hvað setur
> þegar að allt er komið í gang.
Flott!!
Translation database í Kbabel er fínn. Hrikalegur þegar ég byrjaði, en núna
þegar hefur safnast í sarpinn er þetta orðið gott.
Ég tékkaði út hlið við hlið HEAD og 3.1-branch og get keyrt msgmerge á
þær skrár sem eru til í 3.1-branch á template í HEAD, og þannig búið til HEAD
með því sem tiltækt er núna.
Gera það, hvað segja menn !??
>
> Tilvitnun::
> > Sælir og bless,
>
> [klipp]
>
> > - Og í sambandi við styrkina. Ég ímynda mér að
> > einn partur af vandamálinu sé að þetta er hópur áhugamanna
> > sem standa að þýðingunum, það veit enginn við hvern á að
> > tala eða hver fær peninginn. Væri ekki möguleiki að leita
> > einhverra leiða til að bæta úr þessu? T.d. væri hægt að
> > stofna Co-op (samvinnufélag, á samt lítið skylt við SÍS) eða
> > einhver konar "non-profit" félagsskap, þar sem
> > hægt væri að gerast félagi auðveldlega og hver og einn nyti
> > allra fríðinda til jafns við aðra. Þá væri allavega komið
> > nafn á fyrirbærið, einhver bæri ábyrgð tékkheftinu, fengin
> > lína í símaskrána o.s.frv. Svo væru ákvarðanir teknar í
> > sameiningu, t.d. ef einhver býðst til að hýsa heimasíðu
> > hópsins fengi sá hluta af þeim pening sem til væri samkvæmt
> > ákvörðunum hópsins til að standa undir kostnaði. Ég er
> > auðvitað að sletta þessu hérna fram til að fá fram umræðu,
> > það er hægt að gera þetta á ýmsan máta. Hvernig hafa
> > linux-félagar í öðrum löndum hagað þessu? Kannski væri hægt
> > að hafa Debian framtakið sem fyrirmynd? Aðalatriðið væri að
> > forðast skriffinnsku og hægt er. Um leið og þetta er orðið
> > að einhverju batteríi er eins gott að hætta.
>
> Það hefur jú gefið ágætis raun að búa til félög um svona málefni.
> Félagsstarfsemi af þessu tagi gæti verið stjórnað á svipaðan hátt og Vinix
> (þó helst með meiri aktívisma). Hvernig er farið að því að stofna félag,
> hversu marga stofnfélaga þarf, og þyrftum við að henda einhverjum peningum
> í þetta (sem er jú frekar slæmt fyrir alla þessa fátæku námsmenn sem eru í
> þýðingunum). Það er spurning um að setja sig í samband við KDE League og fá
> að vita hvort að þeir geti veitt einhvern stuðning og þaðan af til þess að
> koma þessu á fót?
>
Jamm, það er til margskonar form á félagsskap og óformlegur getur hann verið
sem annað. Dreifður um allan heim þess vegna, svona í anda tölvunets, engir
þurfa að hittast lengur :-).
Mér finnst/fannst leitt að heyra seinni part vetrar þegar haldin var ráðstefna
á vegum stofnunar "Stofnunar Vigdísar Finnbogadóttur í erlendum tungumálum"
og enginn frá grasrótinni var látinn vita. Þarna virðist starfa fjöldi manns
en hvar er árangurinn? ( http://www.vigdis.hi.is/?starfsfolk )
Að sumu leyti þarf að vera svolítið "Nike"í þessum málum - "Just do it" -
frekar en að halda endalausar ráðstefnur um að það ætti að gera í verndun
málsins...
Ég er hinsvegar búinn að vera í þessum tölvubransa í um 30 ár! Og nú segir
gamlinginn ykkur dæmi-sögu (það er orðið svo langt síðan, að það er í lagi að
þetta komi fram):
Þegar IBM-PC kom fram á sjónarsviðið, - 1981 að mig minnir - voru fjöldinn
allur af PC-tölvum framleiddar, misgóðar, sumar fyrir almenning og aðrar sem
vinnustöðvar. Þær keyrðu fleiri og fleiri á 6800 örgjörvum og voru með
sífellt batnandi stýrikerfi (mörg byggð á *nix afbrigðum). Þessar tölvur
þóttu hins vegar EKKI burðugar hjá meginhluta tölvumanna, Íslenskra sem
annarra - ómerkilegt krakkadót, leikföng.
Síðan ákveður IBM að smíða PC-tölvu og ein af þeim allra fyrstu af
framleiðslulínunni var send til Íslands með hraði (og með leynd). Síðan var
ég kallaður til að kvöldlagi, í heimahús með nokkrum forkólfum tölvumála á
Íslandi (þessum sem voru með alvöru vélar), til að segja mína skoðun á þessu
undri (Ég var sko sá eini sem hafði fiktað við svona krakka-dót).
Það var undarlegt að sjá þessa tölvu, - þvílíkt skref afturábak sem hún var
frá því sem þá var að gerast! En ég var diplómatískur og sagði að þetta
virtist allt vera svo sem í lagi, eða þannig.
En, það hefði sennilega ekki skipt máli hvað ég hefði sagt, því nú hafði
yfirvaldið/ríkið/drottinn - altso IBM - sagt sitt í þessu máli. PC-tölvur
voru komnar til að vera. Og skyndilega var þetta ekki lengur krakkadót,
heldur alvöru verkfæri sem átti að verða á borði hvers forstjóra!
Söguna áfram þekkja jú allir, því þessi vél var í sjálfu sér upphafið að
(smá-)tölvubyltingunni. Þó hun væri skref afturábak! Og loksins eftir 20 ár
erum við að verða lausir við DOS, 640K og allt það sem IBM-Pésinn kom með með
sér (teljið hér upp allt sem ykkur líkar illa við :-).
Mórallinn í sögunni er sá að það ÞURFTI greinilega að stíga hliðarspor, og fá
pólitíska viðurkenningu fyrir því að þetta væri það sem ætti að koma á hvers
borð.
Trúarbrögð og harðlínustefna duga ekki alltaf, það þarf lipurð og pólitík og
þá breytist heimurinn allt í einu hraðar en við áttum jafnvel von á.
Þess vegna skiptir pólitíkin máli!!
Ef fyrrum forseti vor segir að þetta sé það sem koma skal, getur það létt
róðurinn á öllum vígstöðvum. Þess vegna skulum við ekki nöldra meir í þeim
en athuga fyrst hvort þeir vilji ekki í stríðið með okkur, (minnugir þess að
það endaði ekki vel hjá Hitler þegar hann sagði skilið við þjóðabandalagið og
réðst inn í Pólland :-) (skiptið nöfnum út að vild) )
Kveðja, Pjetur
