| |
Nostalgíukast
From: Bessi Aðalsteinsson (94176@xyz.molar.is)
Date: Fri 15 Jan 2010 - 11:47:53 GMT
Næsta bréf: Birgir Sigurðsson: "RE: Nostalgíukast"
Við Sigrún ákváðum að fara í bíó í gærkveldi enda rak hvern
eðalþáttinn eftir annan frá Kanaanslandi í dagskrá sjónvarpsins. Því
miður reyndist uppselt á Avatar þannig að við hrökkluðumst heim aftur
og ég hófst handa við tiltekt á upptökutæki einu ágætu sem þar er. Ein
upptakan var frá 5. mars og nærri fjórir klukkutímar. Sem ég
hraðspólaði í gegnum efnið birtust allt í einu tíufréttir sjónvarpsins
og það var þar sem nostalgían bar mig ofurliði. Síðast í fréttatímanum
las Bogi dimmum rómi Viðskiptafréttir:
"Viðskipti í Kauphöll Íslands námu tæpum 20 milljörðum króna í dag,
úrvalsvísitalan hækkaði um 0,69% og er nú 4.850 stig ..."
Á skiltum með fréttinni var þetta:
"Heildarviðskipti 19.887 millj. kr.
Úrvalsvísitalan hækkaði um 0,69%
Úrvalsvísitalan 4.850 stig
Dow Jones 12.255 stig, upp um 0,3%
NASDAQ 2.273 stig, upp um 0,6%
FTSE 5.854 stig, upp um 1,5%
Krónan styrktist um 0,15% og gengisvísitalan er 131,3 stig, gengi
Bandaríkjadals er tæplega 66 kr., evru tæplega 101 og sterlingspundið
er á 132 krónur."
Þetta reyndist sem sagt vera 5. mars 2008.
Eru ekki örugglega fleiri en ég sem sakna þessara dásamlegu frétta?
Kv. Bessi
Attachments:
| |
