Póstlistar eru þægileg leið til að halda uppi samræðum á tölvupóstformi við marga aðila samtímis. Kosturinn við að nota póstlistakerfi í staðinn fyrir að halda utan um eiginn netfangalista, er að listakerfið gefur hópnum eitt sameigilnegt, auðmunað netfang, heldur utan um bréfasafn á vefnum og gerir áskrifendum kleyft að breyta netföngum sínum og stillingum sjálft, í staðinn fyrir að leita á náðir umsjónarmannsins.

Póstlistaþjónusta Mola hýsir m.a. partalistann, sem er lang-öflugasti vettvangur íslendinga sem vilja kaupa eða selja notaðan tölvubúnað. (Ég státa mig af og til af því að partalistinn hafi gert út af við tölvudálk smáauglýsinga DV...)

RSS fréttaþjónustan útvegar einstaklingum og vefstjórum verkfæri til að birta saman á lista fyrirsagnir af ýmsum net-fréttamiðlum, þar á meðal fyrirsagnir Morgunblaðsins og Textavarpsins, auk fjölmargra smærri miðla og einstaklingssíðna. Listar af þessu tagi eru án efa meðal þægilegustu leiða til að fylgjast með fréttum á Netinu í dag.

Fyrirsagnalistinn hér til hægri er birtur með RSS tólunum.

Flestir kannast við stressið sem fylgir því þegar stelpur gleyma af e-m ástæðum að taka getnaðarvarnarpilluna sína. Pilluáminningin sendir stelpum SMS einusinni á dag til að reyna að minnka þetta vandamál.