Fréttir:

• 05-11-2001:
  Pillu-áminningar þjónusta hefur bæst í hóp þeirra þjónusta sem hýstar eru undir Molar.is léninu. Einnig hefur verið lokað (tímabundið) fyrir skráningar nýrra póstlista, vegna tímaskorts hjá umsjónarmanni - þegar tími gefst verður kerfið tekið í gegn, gert sjálfvirkara og opnað aftur.
  
  
• 30-07-2001:
  Molar.is er þáttakandi í tilraunarekstri á póstsíu Friðriks Skúlasonar, sem hefur það að markmiði að finna og fjarlægja vírusa úr tölvupósti. Þetta ætti að veita áskrifendum póstlista Molar.is nokkra vernd gegn vírusum. Áhugasömum um vírussíuna er bent á að hafa samband við Bjarna.
  
  
• 22-04-2001:
  Nýjung: rss.molar.is hefur nú verið opnað, en þar eru að finna tól sem gera mönnum kleyft að birta fyrirsagnir ýmissa innlendra og erlendra fréttamiðla á heimasíðum sínum. Það stendur til að gera fyrirsagnir póstlistanna hér aðgengilega gegnum þetta viðmót á næstu vikum eða mánuðum.
  
  

• 26-02-2001:
  Til að mótmæla nýrri reglugerð um álagningu stefgjalda á ýmsan tölvubúnað hefur undirskrift póstlistakerfisins veri breytt tímabundið þ.a. hún vísi á frétt um reglugerðina og síðu sem safnar undirskriftum til að mótmæla gjöldunum. Nokkra umræðu er að finna í bréfasafni Netverja.
  
  
• 22-02-2001:
  Lagaði flesta brotun linkana á ensku síðunum og fjarlægði síðustu leifarnar af íslenskum texta af þeim líka. Nú vantar bara að þýða meira af íslenska efninu og bæta efninu við...
  
  
• 19-02-2001:
  Frumstæðar mælingar benda til þess að póstlistakerfið hér geti skilað bréfum partalistans til allra áskrifenda (412 talsins núna) á talsvert innan við 2 mínútum. Þar af komast 7/8 bréfanna til skila á innan við mínútu - það virðist taka lengstan tíma að senda bréf til þeirra sem eru með netfang hjá HotMail. Mér finnst þetta bara nokkuð gott.
  
  
• 18-02-2001:
  Fjöldi áskrifenda er nú kominn yfir 1100! Um helgina gerði ég endurbætur á kerfinu sem leyfir mönnum að svara bréfum beint af vefnum. Ensk þýðing svarsíðunnar er nú langt komin og boðið er upp á tilvitnanir.
  
  
• 15-02-2001:
  Búið er að útfæra ritstýrða lista og endurbæta örlítið lista-yfirlitin hér á vefnum. Partalistinn bættist fyrr í mánuðinum í hóp opinna lista í rekstri Mola, og er í augnablikinu fjölmennasti listi þjónustunnar, með rúmlega 400 áskrifendur. Einnig er búið að fínstilla listakerfið þ.a. auglýsingar sem Molar bætir við bréfum (yfirleitt kynning á heimasíðu viðkomandi lista) birtist ekki í bréfasöfnum og birtist í mesta lagi einusinni í umræðu á listunum sjálfum.
  
  
• 06-12-2000:
  Gangsetti einfaldar ruslpóstvarnir á molar.is póstlistunum. Nú eru allir listar varðir gegn sendingum frá póstþjónum sem eru á svörtum lista hjá annaðhvort ORBS eða MAPS RBL. Forritið sem notað er til að útfæra varnirnar er fáanlegt á vefnum mínum. Fyrirhugað er að setja einnig öflugt vírusvarnarkerfi í gang um leið og þess gerist þörf (eins og er er það óþarfi, því engin viðhengi skila sér gegnum listakerfið, og sér í lagi engin hættuleg viðhengi).
  
  
• 05-12-2000:
  Búið er að taka nýjan vélbúnað í notkun fyrir molar.is. Nýja vélin er talsvert öflugri en sú gamla, sem ætti að skila sér í betri svörun vefs og skilvirkari afgreiðslu bréfa á póstlistum.
  
  
• 01-12-2000:
  Næstkomandi þriðjudag verður skipt um vélbúnað sem sér um molar.is. Þessi breyting mun hafa í för með sér tafir á tölvupósti póstlistanna, og vefurinn verður óaðgengilegur meðan á þeim stendur. Áætlað er að þetta taki í mesta lagi 1-2 klst. og verður unnið um kvöldmatarleytið.
  
  
• 21-09-2000:
  Listaskipanunin "þekkja" (e. recognize) er nú komin í gagnið. Þessa skipun má nota til að láta lista sem taka einungis við bréfum frá áskrifendum þekkja mismunandi netföng sama aðila, án þess að hann þurfi að taka á móti hverju bréfi í margriti.
  
  
• 18-09-2000:
  Bætti leitarfítus við allar síður vefsins. Til bráðabirgða er notast við leit gegnum Google leitarvélina.
  
  
• 06-09-2000:
  Molar er að fara út í samstarf við Margmiðlun í tengslum við póstlista þeirra. Um er að ræða ráðgjöf og uppsetning á nýju póstlistakerfi fyrir. Í tengslum við þetta samstarf hefur Margmiðlun gefið ágætan vélbúnað sem verður notaður til að efla vef- og póstkerfi Mola. Takk!   Ég er nú að vinna í uppsetningu vélarinnar, en um leið og hún er tekin í notkun verður skipt um stýrikerfi og FreeBSD notað í stað Linux. Allar þessar breytingar skapa möguleika á ýmsum nýjungum hér, en skýrt verður nánar frá þeim þegar nær dregur útfærslu.
  
  
• 09-06-2000:
  Molar og Netverjar hafa nú hafið samstarf um rekstur póstlista og bréfasafns fyrir umræður og skipulag félagsins.
  
  
• 16-04-2000:
  Tilkynningalistar, sem taka eingöngu við pósti frá umsjónarmanni, eru farnir að virka. ATH: Vegna tækniklúðurs (sem búið er að leiðrétta) glataðist ein umsókn um póstlista nú um helgina. Endilega sæktu aftur um ef þú saknar þess að fá viðbrögð við umsókn.
  
  
• 10-04-2000:
  Enski hluti vefsins er nú sýnilegur (sbr. fánann hér f. ofan), en eftir er að þýða efni vefsins á ensku. Skipulag hefur hinsvegar verið ákveðið og nú eru söfn ensku póstlistanna orðin aðgengileg.
  
  
• 06-04-2000:
  Vefurinn endurbættur til að verjast innrömmun (misnotkun á "frames"). Þeir sem vilja ramma inn síður stakra póstlista geta hinsvegar haft samband og fengið hráa síðu sem hentar fyrir innrömmun, eins og þessi.
  
  
• 05-04-2000:
  Endurbætur á vef og undirliggjandi póstlistakerfi.
  
  
• 02-04-2000:
  Ha ha ha, það var sko gaman í gær! Ha ha ha! Ha ha ha ha . . .
  
  
• 01-04-2000:
  Ákveðið hefur verið að leggja niður alla póstlistana (þeir eru hvort eð er leiðinlegir) og breyta molar.is í tölvuleikjakerfi. Áhugasamir skulu tengja sig með telnet við molar.is, á porti 9999.
  
  
• 27-03-2000:
  Minniháttar endurbætur á undirliggjandi póstlistakerfinu, sér í lagi einföldun á staðfestingarferlinu þegar áskrift er pöntuð.
  
  
• 17-03-2000:
  Skárra litaval fyrir vefinn (vona ég), smá CSS stælar og tölfræði yfir áskriftartölur póstlistanna eru helstu breytingar dagsins.
  
  
• 16-03-2000:
  Nýt útlit! Már á inni miklar þakkir fyrir hjálpina, en kennið mér áfram um alla galla. Þetta er reyndar enn í vinnslu, og allar athugasemdir eru vel þegnar.
  
  
• 15-03-2000:
  Útliti listasíðna breytt lítillega, fleiri enskar þýðingar og lagfæringar í tengslum við þær.
  
  
• 09-03-2000:
  Minniháttar lagfæringar á stuðningi mism. tungumála. Skipulag vefsins ræður nú við hýsingu lista á mörgum tungumálum - enska og íslenska eru þau einu sem eru í boði í bili. Athugið að enn er flest óþýtt og bara til á íslensku.
  
  
• 04-03-2000:
  Notkunarskilmálum hefur verið breytt í frh. af umræðu á molar-throun. Nýjir skilmálar gilda frá og með 12. Mars.
  
  Og ég byrjaði að setja fréttir á aðalsíðuna!